Qazaqstandyq velosportshylar Azııa chempıonatynda eki medal jeńip aldy

ASTANA.KAZINFORM - Búgin Taıland Koroldiginiń Phıtsanýlok qalasynda ótip jatqan tas joldaǵy velosporttan Azııa chempıonatynda Qazaqstan quramasy 2 medal jeńip aldy, dep habarlaıdy QR Týrızm jáne sport mınıstrliginiń baspasóz qyzmeti.

Jekeleı syndaǵy jarysta Evgenıı Fedorov pen Dmıtrıı Grýzdev baq synady. Evgenıı Fedorov Azııa chempıony atanyp, Dmıtrıı Grýzdev kúmis júldeni jeńip aldy. 

Jarysqa barlyǵy 20 shabandoz qatysty. Nátıjesinde eki otandasymyz da tuǵyrǵa kóterildi.

Erler, ýaqytqa jarys (42,8 km)

Evgenıı Fedorov - 49:12
Dmıtrıı Grýzdev - 50:25
Chýn-Kaı Feng - 51.14

Osyǵan deıin Harbınde hokkeıden Qazaqstan quramasy jartylaı fınalǵa joldama alǵanyn jazǵan edik.