Taılandta ótken 4-shi álemdik kýbokta úsh qazaqstandyq júzgish qola júldeger atandy
ALMATY. QazAqparat - Qazaqstannyń jas júzgishteri Taılandtyń Phýket qalasynda ótken lastymen júzý boıynsha 4-shi álemdik kýbokta birneshe medal ıelendi.
Dúbirli dodada Qazaqstannyń namysyn 8 sportshy qorǵaǵan. Olardyń ishinde Anton Blınnıkov 50-200 metr qashyqtyqty 3-shi bolyp baǵyndyrsa, Marııa Rýdenko (50 metr) men Elızaveta Melnıkova (200 metr) da júldeli úshinshi orynnan kórindi. «Bizdiń sportshylar tájirıbesiniń azdyǵyna qaramastan óte jaqsy nátıje kórsetti. Mundaı úlken saıystar olar úshin tamasha múmkindik bolyp otyr. Osy arqyly olardyń ózderine degen senimderi molaıyp, úlken dodalarǵa shyǵýǵa daıyndalady», - dedi Qazaqstan quramasynyń bas jattyqtyrýshysy Nelıı Kornıenko. Bas jattyqtyrýshynyń aıtýynsha, balalar sportyn damytýǵa sport sektsııalarynyń qoljetimsizdigi kedergi bolyp otyr. «Qazir elimizde jattyǵý bazalary jetkiliksiz. Ol úshin bıznes pen ata-analar birigip áreket etýi kerek. Sonda ǵana álemdik jarystarda jeńis týyn jelbiretetin jetkinshekterdi tárbıeleı alamyz», - dedi ol. Sportshylardyń saparyn Almaty qalalyq Sport jáne dene shynyqtyrý basqarmasy men balalar men jasóspirimderdiń №5 mamandandyrylǵan keshendi s porttyq-tehnıkalyq mektebi uıymdastyrdy.
