Taılandta qonaq úıde jarylys boldy
ASTANA. 1 tamyz. QazAqparat - Taılandta, ońtústik Pattanı eldi mekeninde ornalasqan CS Pattani Hotel qonaq úıinde jarylys boldy. Bul týraly jergilikti quqyq qorǵaý organdarynyń qyzmetkerlerine silteme jasaı otyryp Ýtro. rý. habarlady.
Qaskóıler birinshi jarylystan keıin elektr stansasyn isten shyǵardy, sonyń saldarynan birqatar aýdandar birneshe saǵat boıy jaryqsyz otyrǵan. Lańkestiktiń saldarynan 8 qabatty qonaq úıdiń ǵımıratyna zaqym keltirildi. Qaýipsizdik maqsatynda qonaq úıdegi qyzmetkerler men qonaqtar shuǵyl arada basqa aımaqqa kóshirildi. Rastalmaǵan málimetterge qaraǵanda, mekemeniń 4 qyzmetkeri jaralandy.
