Taılandta qazaqstandyqtar mingen avtobýs aýdarylyp qaldy
ASTANA. QazAqparat - 21 jeltoqsan kúni Sýratthanı provıntsııasynda eki qazaqstandyq bolǵan týrıstik avtobýs aýdaryldy. Bul týraly QR SІM baspasóz qyzmetiniń basshysy Ánýar Jaınaqov aıtty, dep habarlaıdy «QazAqparat» HAA tilshisi.
«Taılandtyń Sýratthanı provıntsııasyndaǵy jol apaty saldarynan týrıster avtobýsy aýdarylǵan. Іshinde eki Qazaqstan azamatshasy boldy. Olar azdap jaraqat alǵan. Bireýine sol jerde kómek kórsetilse, ekinshisin aýrýhanaǵa jetkizgen soń alǵashqy medıtsınalyq kómek berildi. Keıinnen aýrýhanadan shyǵardy. Jaǵdaılary qalypty. Olar saıahatty jalǵastyramyz dep sheshti», - dep habarlady ol.
Eske sala keteıik, Qazaqstandyq týrıst Temirlan Rysqulov Phýkete qonaq úıiniń 5-shi qabatynan sekirip, 14 jeltoqsan kúni Patongan aýrýhanasynda kóz jumdy. Ol Taılandqa 5 jeltoqsan kúni týrıst retinde kelgen. Polıtsııanyń bergen baıanatyna sáıkes, qazaqstandyq Temirlan Rysqulovtyń Taılandta qaza tabýy jazataıym oqıǵa dep kórsetildi.
