Taılandta qaza tapqan Qazaqstan azamatynyń denesi osy aptada elge jetkiziledi
ASTANA. Qazanyń 4-i. QazAqparat /Marlan Jıembaı/ - Taılandta qaza tapqan qazaqstandyq týrıstiń denesi osy apta ishinde elge jetkiziledi. Bul týraly búgin elordada ótken baspasóz máslıhaty barysynda QR Syrtqy ister mınıstrliginiń resmı ókili Asqar Ábdirahmanov málim etti.
«Qazaqstan azamatynyń zorlyq-zombylyq saldarynan qaza bolmaǵyndyǵy anyqtalyp otyr. Qazirgi ýaqytta qaza bolǵan azamattyń múrdesin osy apta ishinde Qazaqstanǵa jóneltý sharalary júrgizilýde», dedi resmı ókil óz sózinde.
Aıta eteıik, buǵan deıin habaranǵandaı, qyrkúıektiń 1-inde túnde, shamamen 3:30-da polıtsııa bólimine jaǵalaýǵa taqaý jerden sheteldik azamattyń denesi tabylǵandyǵy týrasynda aqparat túsken.
«Oqıǵa ornyna kelgen polıtseıler sý jaǵalaýǵa shyǵaryp tastaǵan sheteldiktiń denesin kórgen. Sarapshylar azamat 3-5 saǵat buryn mert bolǵan degen qorytyndy shyǵardy», dep jazady Pattaya Daily News gazeti.
Odan «Dı-Bıch» qonaqúıiniń vızıtkalyq kartochkasy tabylǵan. Aldyn ala tergeý amaldary onyń zákirde turǵan qaıyqtyń arqanyna oratylyp qalǵandyǵyn kórsetken. Atalǵan qonaqúıdiń qyzmetkerleri qaza bolǵan adamnyń Qazaqstan azamaty Ermek Áljanov ekendigin naqtylaı túsken. Onyń qyrkúıektiń 10-ynan bastap qonaqúıde turǵandyǵyn, al qyrkúıektiń 28-inde keri qaıtý kerektigin, degenmen taı elinde bolý merzimin uzartqandyǵyn aıtqan. Sondaı-aq qonaqúı qyzmetkerleri onyń sýǵa túsetin kıimmen beısenbi kúni keshki saǵat 19:00-de shyǵyp ketkenin baıqaǵan.
Polıtsııa boljamynsha, onyń ólimine teńizdegi qatty aǵys sebep bolýy, ári ol qaza tapqannan keıin tolqyn múrdesin jaǵaǵa shyǵarýy múmkin.
