Taılandta Gıtlerdiń sýretin salǵan oqýshy Izraıl Elshisin alańdatty
ASTANA. QazAqparat - Taılandtyń Áskerı úkimeti mektep oqýshylaryna arnalǵan «12 taı qundylyǵy» dep atalatyn úgit-nasıhattyq derekti fılmde Adolf Gıtler kezdesetin bir epızodty redaktsııalap, «qıyp» tastaıtyn boldy, dep habarlady VVS.
Óıtkeni, bir mektep oqýshysy osy fılmen keıin Gıtlerdiń svastıka aldynda qolyn sozyp qurmet kórsetip turǵan sýret salǵan. Ony janyndaǵy synyptastary qolpashtap, qoldaý tanytqan.
Bangkoktegi Izraıl Elshisi natsıstik nyshandardyń orynsyz paıdalanylǵandyǵyna baılanysty alańdaýshylyq tanytyp otyrǵanyn habarlaǵan.
