Taılandta eki jarylys boldy: zardap shekkender bar
ASTANA. QazAqparat - Taıland ońtústiginde Songkhla aýdanyndaǵy jaǵajaı mańyndaǵy meıramhanalardyń birinde eki jarylys boldy. Aldyn ala derekterge sáıkes jeti adam zardap shekti, bir áıel qaza tapty, dep habarlaıdy reseılik RBK agenttigi.
Dúısenbi keshke Taılandtyń Soı-Savan jaǵajaıynda karaoke meıramhanasynda qol granatasy jaryldy, dep habarlady jergilikti Bangkok Post basylymy.
Jarylys saldarynan Taıland azamatshasy qaza tapty. Polıtseıler onyń kim ekenin anyqtady. Taǵy jeti adam jaraqat alǵan.
Birinshi jarylystan keıin kóp keshikpeı oqıǵa ornynan 10 metr jerde ekinshi jarylys oryn aldy, bul rette eshkim zardap shekken joq. Qazir jarylys bolǵan mańaı qorshaýǵa alyndy. Quqyq qorǵaý organdary tergeýdi bastady, shabýyl sebepteri anyqtalýda.
