Taılandta demalys kezinde zardap shekken qazaqstandyq azamat kóz jumdy
ASTANA. QazAqparat - Taılandta demalys kezinde komaǵa túsken 26 jastaǵy Farhat Muratbekov qaza boldy. Jas jigit elordadaǵy aýrýhanalardyń birinde jan tapsyrdy. Dárigerler onyń ómiri úshin eki aıdan astam ýaqyt arpalysty, alaıda qoldan keler shara bolmady, dep habarlady KTK telearnasy.
Atalǵan jaǵdaı ótken jyldyń sońynda oryn aldy. Qazaqstandyq óziniń otbasymen birge Taılandtaǵy qonaq úılerdiń birinde demalyp jatqan. Basseındegi sýǵa shomylý kezinde ol kútpegen jerden ózin jaısyz sezinip, kúre tamyrdyń ishinen qan ketip, ókpe qyzmeti toqtap qalǵan. Artynsha ol komaǵa tústi. Aldymen týrısti taı medıtsına qyzmetkerleri qutqaryp qalmaq bolǵan, keıin ony arnaıy reıspen Astanaǵa jibergen. Úzdik otandyq dárigerler Farhatty eń zamanaýı quraldarmen emdeýge tyrysty. Keńes alýǵa Reseı men Germanııadan mamandar shaqyryldy. Alaıda marqum komadan shyqpady. Medıtsına qyzmetkerleri eger oǵan der kezindi alǵashqy kómek kórsetilgende, bálkim qazir ol tiri bolar edi deıdi. «Men Taılandta reanımatsııalyq sharalar kesh jasaldy dep oılaımyn. Al mı qyzmeti toqtaǵan, polıorgandy jetispeýshilikpen kelgen naýqasty tiriltip alý bizdiń qolymyzdan kelmedi», - dedi Respýblıkalyq jedel járdem medıtsınalyq kómek kórsetý ortalyǵy basqarmasynyń tóraǵasy Vladımır Openko.
