Taılandta balyqtarǵa nan laqtyrǵan týrıst túrmege jabylýy múmkin
ASTANA. QazAqparat - Taılandta Phýket provıntsııasynyń teńiz polıtsııasy Racha aralynda balyqqa nan bergen reseılik týrısti ustady, dep habarlady, Phuket Gazette ınternet nusqasy.
Basylym derekterine sáıkes, 53 jastaǵy Olga Smırnovany Taıland teńiz jáne jaǵalaý resýrstar kúzeti qyzmetkerleri ustap, Phýket polıtsııasyna jetkizdi. Oǵan marjan rıfimen erekshe qorǵalǵan jerde balyqtardy qorektendirdi degen aıyp taǵylýda.
Qazir Smırnova úshin úsh myń dollar tólenip, ol kepildikpen bostyldy. Oǵan aldaǵy ýaqytta taǵy úsh myń dollar kóleminde aıyppul salynyp, ne bir jylǵa bas bostandyǵynan aıyrý jazasy berilýi múmkin. Reseı ókili sot isti qarap bolmaıynsha, Taılandta qalmaq.
Bul qaǵıda Taılandta 1992 jyly qabyldanǵan. Ótken jyly mamyrda el bıligi ekologııalyq normalardy buzǵandarǵa jazany qatańdatqan.
