Taılandta balyqshylar sýǵa batqan qaıyqtan 60 týrısti qutqardy
ASTANA. QazAqparat - Eldiń ońtústiginde Phangng provıntsııasynda Andaman teńizine batyp bara jatqan motorly qaıyqtan 60-ǵa jýyq týrıster qutqaryldy. Bul jaıly Thai PBS telearnasy habarlady.
Oqıǵa sársenbi keshke týrıster, aralarynda balalar da bar, Sımılan aralynan júzip kele jatqan kezde oryn alǵan. Asa jyldamdyqpen kele jatqan úlken qaıyq teńizdegi bórenege soqtyǵysqan. Túbi tesilgen qaıyq sýǵa bata bastaǵan. Apatqa ushyraǵan barlyq jolaýshylardy balyqshylar qutqaryp, óz bortyna mingizip úlgerdi. Eshkim zardap shekpedi.
Sımılan ulttyq murajaıynyń basshysy Nat Kongkesorn habarlaǵandaı, sheteldikter mingen shaǵyn keme 70 adamǵa arnalǵan. Apattan aman qalýǵa keme kapıtanynyń saqtyq sharalaryn der kezinde qabyldaýy járdemdesken. Týrısterdiń barlyǵy sýǵa batyrmaıtyn qutqarý kúrtelerin kıip úlgerdi.
Aral Andaman teńiziniń soltústiginde ornalasqan. Qysta ol jerge týrıtter kóp jınalady.
