Taılandta avtobýs apatqa ushyrap, 11 adam qaza tapty
BANGKOK. QazAqparat - Jumadan senbige qaraǵan túnde Taılandta Chonbýrı provıntsııasymen Bangkok arasyndaǵy tas jolda apat saldarynan on bir adam qaza taýyp, tórt adam zardap shekti. Bul týraly Chonbýrı polıtsııa basqarmasynan habarlady, dep jazady TASS.
«Jolaýshylar tasymaldap kele jatqan avtobýstyń dońǵalaǵy shyǵyp ketip, aýdarylǵan. Іshinde 11 adam shyǵa almaı, kólik órtke oranǵan», - delingen habarlamada.
Aman qalǵan tórt adam aýrýhanaǵa jetkizildi. Barlyq jolaýshylar Taıland azamattary.
