Taılandta 9 provıntsııany sý basyp, 70 myńnan astam adam zardap shekti
BANGKOK. QazAqparat - Taılandta qatty jaýyn saldarynan sý tasqyny bolyp, 70 myńnan astam adam japa shekti, dep habarlaıdy QazAqparat TASS-qa silteme jasap.
Jeksenbi kúni Bangkok Post gazeti tabıǵı apat eldiń soltústik-shyǵystaǵy 9 provıntsııasyn qamtyǵanyn jazdy. Olardyń qatarynda Nakhonphanom, Mýkdahan, Amnat Charoen, Ýbon Ratchathanı, Býngkan, Sakon Nakhon, Roı Et, Kalasın jáne ıAsothon provıntsııalary bar.
Basylymda jarııalanǵandaı, bárinen de Nakhonphanom eldi mekeni qatty zardap shekken. Ondaǵy sý Mekong ózeniniń jaǵasynan shyǵyp ketip, 12 aýdanǵa jaıylǵan. Saldarynan 12,2 myń úı-sharýa qojalyqtaryna zalal kelip, 26,8 myń adam zardap shekken. Sondaı-aq, 28,7 myń ga jerdi sý basqan.
Kórshiles Mýhdahan provıntsııasynda 11,4 myń ferma (4,5 myń ga) sý astynda qalyp, 38,3 myń adam zardap shekti. Ýbon Ratchathanıda 4,1 myń adam men 773 ga jer sý tasqynyna tap bolǵan, al Amnat Charoen provıntsııasynda tabıǵı apattan 1,9 myń adam japa shegip, 887 ga jerge zalal keldi.
