Taılandta 30 qabatty munaranyń qulaýy: Qytaı memlekettik kompanııasyna aıyp taǵyldy

ASTANA. KAZINFORM – Taılandtyń memlekettik prokýrorlary Qytaı memlekettik kompanııasy men tanymal qurylys magnatyn qosa alǵanda 23 jeke tulǵa men kompanııaǵa Bangkoktegi jer silkinisinen soń qıraǵan ǵımaratqa baılanysty resmı túrde aıyp taqty, dep habarlaıdy Nation Thailand.

Kúdiktilerdiń ishinde Taılandtyń eń iri qurylys kompanııalarynyń biri - Italian-Thai Development Premchaı Karnasýta men Qytaıdyń China Railway kompanııasy bar. Olarǵa qurylys standarttaryn saqtamady jáne jalǵan qujattarmen baılanysty aıyp taǵylyp otyr.

Aldyn ala tergeý ǵımarattyń jobalaý men qurylys barysyndaǵy kemshilikterdiń saldarynan qulaǵanyn kórsetti. Sondaı-aq qurylys barysynda paıdalanylǵan materıaldardyń sapasy men tehnologııalyq protsester barysynda da olqylyqtar anyqtaldy.

Aıta keteıik, 2025 jyldyń 28 mamyrynda Bangkoktegi Memlekettik aýdıt basqarmasynyń alańy Mıanmada bolǵan qýatty jer silkinisinen qırap qaldy. Sonyń saldarynan 92 adam mert bolyp, 9 adam jaraqat aldy, 4 jumysshy iz-túzsiz ketti.

30 qabatty munara qırardyń aldynda 30 paıyzǵa daıyn bolǵan jáne bul Taılandta jer silkinisi saldarynan qıraǵan jalǵyz ǵımarat ǵımarat bolyp otyr. Sonymen qatar bul Taıland tarıhyndaǵy adam eń kóp qurban bolǵan qaıǵyly oqıǵalardyń biri.

Osyǵan deıin Taılandtyń ishki ister mınıstri Anýtın joıqyn zilzala kezinde opyrylyp qulaǵan 30 qabatty ǵımaratqa qatysty tergeýdiń nátıjesi jeti kún ishinde belgili bolatynyn málimdegeni týraly jazdyq.