Taıland ýnıversıteti oqý aqysy retinde kúrish qabyldap jatyr
ASTANA. QazAqparat - Pathýmthanı provıntsııasyndaǵy Rangsıt jeke ýnıversıteti kúrish baǵasynyń tómendeýinen zardap shekken fermerlerdi qoldaý maqsatynda kúrishti oqý aqysy retinde qabyldaýda, dep habarlady tuktuk.news Bloomberg saıtyna silteme jasap.
Rangsıt ýnıversıtetiniń bastamasy - kúrish ósirip jan baǵatyn 16 mıllıon taılyqqa kómek kórsetýge baǵyttalǵan kóptegen talpynystardyń biri. Іshki jáne eksporttyq naryqta kúrishtiń artýynan kúrish baǵasy kúrt tómendedi. Qazan aıynyń sońynda Taıland úkimeti fermerlerdi qoldaýǵa baǵyttalǵan baǵdarlamanyń iske qosylǵanyn jarııalady. Sonymen birge, kópshiligi máseleni óz betimen sheshýge tyrysýda, máselen, kúrishti Facebook arqyly nemese janarmaı beketterinde satyp júr.
22 jastaǵy Vıtsaný Sýkmýnsırı - oqý aqysyn kúrishpen tóleý múmkindigi bar Rangsıt ýnıversıtetiniń 19 stýdentiniń biri. Ol qańtar-sáýir aılaryndaǵy oqý aqysy úshin 20620 bat somasyna kúrish ákelýi tıis.
«Áıtpese, meniń ata-anam ósimqorlarǵa júginer edi», - dedi Vıtsaný.
Baǵdarlamanyń júzege asýyna jaýapty dekan Vorachat Chýdchomchan Rangsıt ýnıversıtetine túsken stýdentterdiń kelesi semestrden bastap, oqý aqysyn kúrishpen tóleı alatynyn jetkizdi. Sonymen qatar, kúrish naryqtaǵy baǵadan qymbatyraq qabyldanady.
Fermerlerden alynǵan kúrishti ýnıversıtet erekshe jańajyldyq syı retinde satylymǵa shyǵarady.
