Taıland stýdenti «Álem arýy-2025» baıqaýynda jeńiske jetti
ASTANA. KAZINFORM – «Álem arýy-2025» halyqaralyq sulýlyq baıqaýynda taılandtyq Sýchata Chýangsrı jeńiske jetti, dep habarlaıdy Kazinform baıqaýdyń resmı saıty missworld.com-ǵa silteme jasap.
72-shi ret ótken baıqaýda álemniń ár elinen kelgen 108 boıjetken baq synady.
21 jastaǵy Sýchata Chýangsrı jeńimpaz dep tanyldy.
Ol halyqaralyq qatynastar fakýltetiniń stýdenti jáne model bolyp jumys isteıdi. Sýchata sonymen qatar psıhologııa men antropologııaǵa qyzyǵýshylyq tanytady jáne sút bezi qaterli isigin zertteý uıymdary eriktileriniń qataryna engen.
Sulý boıjetken baıqaý tarıhyndaǵy «Álem arýy» tájin jeńip alǵan Taılandtyń alǵashqy ókili boldy.
– Bul tek meniń jeńisim emes. Aldaǵy ýaqytta «Álem arýy» ataǵymen kóp jetistikke, úlken ózgeristerge qol jetkizýge tyrysamyn, - dedi jeńimpaz.
Jarystyń fınaly Úndistannyń Haıdarabad qalasynda ótti. Birinshi vıtse-mıss ataǵy efıopııalyq Haset Deredje Admassýǵa berildi.
Buǵan deıin «Álem arýy-2024» baıqaýynda danııalyq boıjetken jeńimpaz bolǵan edi.