Taıland premeriniń mindetin atqarýshy úkimet basshysy laýazymyna úmitker retinde ózin usyndy

ASTANA. KAZINFORM - Taıland premer-mınıstriniń mindetin tqarýshy Anýthın Chanvırakýn sársenbi kúni úkimet basshysy laýazymyna úmitker retinde tirkeletinin resmı túrde málimdedi, dep habarlaıdy Sınhýa.

Ol aldaǵy Ulttyq assambleıanyń (parlamenttiń) tómengi palatasy — Ókilder palatasyna ótetin saılaýda «Phýmchaıthaı» («Taıland maqtanyshy») partııasynan úmitker retinde baq synaıdy.

Bangkokta partııasy uıymdastyrǵan saılaýaldy naýqannyń bastalýyna arnalǵan sharada sóılegen Anýthın Chanvırakýn árdaıym halyqtyń únine qulaq asyp kelgenin aıtty. Eger jurtshylyq «Phýmchaıthaı» partııasyna qaıtadan senim bildirse, ol premer-mınıstrdiń mindetin atqara beretinin, búkil taı halqy úshin turaqty, órkendegen ári ornyqty bolashaq qalyptastyrýǵa kúsh salatynyn jetkizdi.

Taılandtyń saılaý komıssııasy 15 jeltoqsanda parlamenttiń jańa shaqyrylymdaǵy Ókilder palatasyna saılaý 2026 jylǵy 8 aqpanda ótetinin habarlady. Barlyq saıası partııalar premer-mınıstrlikke úmitkerler tizimin 28–31 jeltoqsan aralyǵynda usynýy tıis.

Osyǵan deıin Taılandtyń burynǵy premer-mınıstri bir jylǵa bas bostandyǵynan aıyrylǵany týraly jazdyq.