Taıland premer-mınıstri dýalanyp qalǵanyn aıtty
ASTANA. QazAqparat - Taılandtyń jańa premer-mınıstri Praıýt Chan-Ocha ózin baqsy-balgerler dýalaǵanyn aıtty, dep jazady «Jańalyqtar» RAA.
General ózindegi qarǵys pen dýa týraly Ulttyq reforma jónindegi keńes músheleriniń aldynda sóz sóılegen kezde aıtqan.
Ol jelkesinen tartyp, óńeshi aýyratynyn baqsylardyń dýasynan kóredi.
«Maǵan syrtymnan «oqytyp», dýa jasalǵanyn aıtty. Dirildep, birneshe ret kıeli sý quıyndym. Endi sýyqtap qalǵan sııaqtymyn», - dedi premer-mınıstr.
Taılandta halyq dýalaýǵa senedi. Nanym-senimge sáıkes, ózin dýashylardan qorǵaý úshin adam birneshe ret kıeli sý quıynýy qajet.
