Taıland koroli Úndistandaǵy Mahabodhı ǵıbadathanasyna 100 keli altynyn syıǵa tartty
ASTANA. 15 qarasha. QazAqparat - Taılandt koroli Pýmıpon Adýlıadet 100 keli altynyn Úndistandaǵy tanymal Mahabodkı hramynyń ushar basyn bezendirýge berdi.
Jergilikti BAQ-tardyń habarlaýynsha,14,5 mıllıon dollar turatyn mundaı baǵaly syılyq Úndistannyń Bıhar shtatyna arnaıy reıspen jetkizilgen. Ǵıbadathana qyzmetkerleri onyń tóbesin altynmen qaptaýǵa shamamen 300 keli altyn qajet dep otyr. Kerekti baǵaly metaldy qaıyrymdylyq jasaýshylar jınap ta úlgergen. Al dekoratsııalaý jumystary bir aı kóleminde aıaqtalýy tıis.
Bıhar shtatynyń astanasy Patnadan 96 shaqyrym jerde ornalasqan ǵıbadathana 2002 jyldan beri ıÝNESKO-nyń Búkilálemdik murasyna jatatyn qorǵalatyn nysanǵa aınaldy. Onyń irgetasy bizdiń eramyzǵa deıingi 260 jyly qalanǵan, dep habarlady ITAR-TASS.
