Taıland qazaqstandyqtarǵa tegin vıza berý merzimin taǵy da uzartty
ASTANA. Naýryzdyń 9-y. QazAqparat /Aıdar Ospanalıev/ - Qazaqstannyń Bangkoktegi dıplomatııalyq mıssııasynyń málimetteri boıynsha, Taıland Koroldiginiń Mınıstrler kabıneti naýryzdyń 2-sinen bastap, týrıstik qatynastardy retteıtin qujattyń merzimin uzartty.
Bul týraly búgin jýrnalıstermen bolǵan aptalyq brıfıngte Syrtqy ister mınıstrliginiń resmı ókili Asqar Ábdirahmanov málim etti, dep habarlaıdy QazAqparat.
Onyń sózine qaraǵanda, atalmysh qujattyń merzimi bıylǵy jyldyń naýryz aıynyń 4-inde aıaqtalǵan. Al jańa qujat talaptary bıylǵy jyldyń sáýir aıynyń 1-inen bastalyp, aldaǵy jyldyń naýryz aıynyń 31-ine deıin jalǵasady. «ıAǵnı, qazaqstandyq týrıster bıylǵy jyldyń naýryz aıynyń 5-inen sáýir aıynyń 31-ne deıin Taıland eline barǵany úshin 1 myń bat kóleminde vızalyq salyq tóleıtin bolady. Al aǵymdaǵy jyldyń sáýir aıynyń 1-inen bastap, Taıland vızalary tolyqtaı tegin bolady», dedi resmı ókil.
