Taıland kásipkerleri Qazaqstan naryǵyna shyqpaqshy
ALMATY. QazAqparat - Almatyda Qazaqstan men Taıland koroldiginiń yntymaqtastyǵy týraly bıznes forým ótti, dep habarlaıdy QazAqparat tilshisi.
Osy maqsatta Taı elinen 16 kompanııa ókili keldi.
Sheteldik delegatsııany elshiliktiń kommertsııalyq mınıstri Kıttınand Yıngcharoen bastap keldi.
«Qazaqstan naryǵy bizder úshin tańsyq bolyp otyr. Biraq, naryqtyq qatynasty damytý úshin birqatar kedergiler bar. Birinshiden, Taı elinde Qazaqstandy kóp adam bilmeıdi. Qazaqstan halqy terrıtorııasymen salystyrǵanda óte az. Satyp alý múmkinigi az. Taýardy tasymaldaý úshin teńiz porty joq. Biraq sonda da ózara qatynasty damytýǵa tyrysyp jatyrmyz. Qazir taýardy Reseı men Qytaı arqyly jetkizýdemiz. Biraq bul óte qymbatqa soǵyp otyr. Qazaqstannyń áleýetin joǵar baǵalap otyrmyz», - dedi Yıngcharoen.
Mamandardyń aıtýynsha, taı ónimderine degen suranys jyldan jylǵa artyp keledi.
«Almatyda Taı kásipkerlik ortalyǵy bar. 3 jyldan beri jumys istep keledi. Qazqstandyqtar AQSh, Reseı, Qytaı ónimderine úırenip qalǵan. Taı ónimderi olar úshin tańsyq. Biraq sapasyn kórgender bizdiń ónimderdi baǵalaıtyny ras», - dedi «Perfect Kazakhztan» kompanııasynyń aımaqtyq menedjeri Erjan Baǵasov.
Aıta ketý kerek, forýmdy «Atameken» UKP men qalalyq kásipkerler palatasy uıymdastyryp otyr.
