Taıland astanasynda shaǵyn kemedegi jarylystan 58 adam zardap shekti
ASTANA. QazAqparat - Bangkokta jolaýshylar qaıyǵyndaǵy qozǵaltqyshtyń jarylýy saldarynan 58 adam zardap shekti. Bul týraly jergilikti polıtsııa habarlady.
Aldyn-ala málimetterge qaraǵanda, sý kóliginde shamamen 70 adam bolǵan. Jolaýshylar tasıtyn shaǵyn keme aılaqta turǵanda jarylǵan. Japa shekkenderdiń barlyǵy aýrýhanaǵa jetkizildi, ekeýiniń jaǵdaıy aýyr.
Quqyq qorǵaý organdary bolǵan oqıǵanyń mán-jaıyn anyqtap jatyr. Aldyn-ala boljam boıynsha, apatqa suıyq gazben jumys istegen qozǵaltqyshtyń aqaýy sebepshi bolǵan.
Eske sala ketsek, Bangkokta sý arnalar júıesi bar. Onda jolaýshylardy tasymaldaıtyn qaıyqtar júredi.
