Taıgada adasyp, ázer tabylǵan ekeý ashtan ólmes úshin qasyndaǵy serigin jep qoıǵanyn moıyndady
ASTANA. QazAqparat - ıAkýtııanyń joǵarǵy soty adam etin jedi degen aıyp taǵylǵan qylmyskerdi 12 jylǵa bas bostandyǵynan aıyrdy. Bul týraly ITAR-TASS Respýblıkanyń Joǵarǵy sotynyń baspasóz qyzmetine silteme jasap habarlady.
"ıAkýtııa Joǵarǵy sotynyń sot kollegııasy Nerıýngrın qalalyq sotynyń úkimin ózgertip, Alekseı Gorýlenkony japa shegýshi marqumnyń densaýlyǵyna qasaqana zııan keltirý arqyly ony óltirdi dep aıyptady. Ol 12 jyl jazasyn qatań tártiptegi túrmede óteıdi", - dedi Joǵarǵy sotta.
2 maýsymda Nerıýngrın qalalyq soty Gorýlenkony 3,5 jylǵa shartty túrde bostandyǵynan aıyryp, sot zalynda bosatqan.
Tergeý barysynda anyqtalǵandaı, 2012 jyly jazda Saratov oblysynyń turǵyny Gorýlenko jáne taǵy úsh adam Taıgada adasyp qalǵan. Qutqarýshylar qazan aıynyń sońynda tek Gorýlenko men taǵy bir adamdy ǵana tapqan. Birneshe kúnnen keıin jaqyn jerde taǵy bir adamnyń denesiniń bir bóligin tapqan. Sotta Gorýlenko men onyń qasyndaǵy adam ashtyqtan ólmeý úshin sol kisiniń etin jeýge májbúr bolǵanyn aıtqan.
Tórtinshi er adam áli kúnge iz-túzsiz joǵalǵan dep esepteledi.
Gorýlenkoǵa qatysty úkimge memlekettik aıyptaýshy men japa shekkenniń týystary shaǵymdanǵan. Іs ıAkýtııa Joǵarǵy sotynyń qaraýyna ótip, jańa úkim shyǵaryldy.
