Taıfýndar Japonııanyń aýyl sharýashylyǵyna 1,8 mlrd dollar zalal keltirdi
NUR-SULTAN. QazAqparat - Jýyrda bolǵan taıfýndar Japonııa aýyl sharýashylyǵyna 1,8 mlrd dollar shyǵyn keltirgen. Bul týraly seısenbide Kyodo agenttigi málim etti, dep habarlaıdy QazAqparat.
Qyrkúıek jáne qazan aılarynda Japonııaǵa surapyl taıfýndar - «Faksaı» jáne «Hagıbıs» zor zalal ákeldi.
Eldiń Qorshaǵan ortany qorǵaý mınıstrliginiń derekterine qaraǵanda, shyǵyn kólemi 1,8 mlrd dollardan asýy múmkin. Óıtkeni, apat saldaryn joıý jumysy áli bitken joq.
«Hagıbıs» taıfýnynan Japonııanyń 47 prefektýrasynyń 38-i zardap shekti. 8,5 myń jerde egin sýarý júıesi buzylǵan. 14 myń gektar egistik alqabyna zaqym kelgen.
Budan bólek, balyq aýlaý porttary, jaǵalaýdaǵy teńiz ónimderin óńdeıtin fabrıkalar da shyǵynnan ada emes.
