Taıaýdaǵy jyldary Qazaqstanda 522 jańa mektep salynady - B. Jumaǵulov
TANA. 25 tamyz. QazAqparat /Jasulan Amanbaıuly/ - Taıaýdaǵy jyldary Qazaqstanda 522 jańa mektep salynady.
Bul týraly búgin Astanada «Otbasy, mektep, qoǵam - ıgilikti bolashaq úshin birge!» respýblıkalyq pedagogıkalyq forým barysynda QR Bilim jáne Ǵylym mınıstri Baqytjan Jumaǵulov málim etti.
«Basty jańalyqtardyń biri - 12 jyldyq oqytýǵa kóshýge baılanysty mektepter qurylysynyń jańa baǵdarlamasyn iske asyrý. Taıaý jyldary 522 jańa mektepti salý josparlanýda», - dep atap kórsetti B. Jumaǵulov.
«Salystyrý úshin aıta keteıin. Mysaly, Qazaqstanǵa qaraǵanda turǵyn halyqtyń sany 10 esege kóp Reseıde osy jyldary 670 mekteptiń qurylysy kózdelýde. Osyǵan qaraǵanda bizdiń qarqynymyz áldeqaıda joǵary», - dep túıdi mınıstr.
