Taıaýdaǵy úsh kúnde Qazaqstannyń soltústiginde aýanyń temperatýrasy - 18°-qa deıin tómendeıdi
ASTANA. QazAqparat - Respýblıkanyń basym bóligindegi aýa raıyn soltústik-batystyq tsıklon qalyptastyrady, sonyń saldarynan jaýyn-shashyndy, keı jerlerde burqasyndatqan, jel kúsheıip, ońtústikte tumandatqan kún raıy saqtalady.
Bul týraly «Qazgıdromet» RMK 7-9 qarasha kúnderine aýa raıy boljamynda habarlady.
Kóptegen oblystarda aýanyń temperatýrasy túnde 0-den -8°S deıin, keı jerlerde -13°S, respýblıkanyń soltústiginde -18°S-qa deıin tómendeıdi, kúndiz ońtústikte 0 gradýstan +7°S-qa deıin, keı jerlerde +10°S-qa deıin jyly bolady, qalǵan aýmaqtarda -2-7 °S, keı jerlerde -12°S sýyq bolady.
