Taıaýdaǵy táýlikterde elimizdiń ońtústik óńirlerinde qar jaýady
ASTANA. QazAqparat - Atmosferalyq aǵyndardyń ótýine baılanysty 14-16 naýryzda respýblıkanyń ońtústik, ońtústik-shyǵys jáne soltústiktiń keı jerlerinde jaýyn -shashyn bolady.
Kóbinese qar jaýady. Keı jerlerde tuman, kóktaıǵaq, jel turady, soltústikte jel kúsheıip, jaıaý burqasyn bolady, dep habarlaıdy «Qazgıdromet».
Aqmola oblysynyń keı jerlerinde tuman túsýi yqtımal, kúndiz jel jaıaý burqasynmen 15-20 m/s kúsheıip, joldarda kóktaıǵaq bolady.
Soltústik Qazaqstan oblysynyń keı jerlerinde tuman, túnde jel 15-20 m/s kúsheıedi, kúndiz jaıaý burqasyn, kóktaıǵaq bolýy múmkin.
Pavlodar oblysynyń keı jerlerinde kúndiz jel turyp, 15-20 m/s kúsheıedi, jaıaý burqasyn.
Jambyl oblysynyń keı jerlerinde tuman túsedi, kóktaıǵaq bolyp, jeldiń jyldamdyǵy 15-20 m/s jetedi.
Ońtústik Qazaqstan oblysynyń keı jerlerinde tuman, túnde jáne tańerteń jel 15-20 m/s kúsheıedi.
Mańǵystaý oblysynda, kúndiz Atyraý oblysynyń keı jerlerinde jel soǵyp, jyldamdyǵy 15-20 m/s aralyǵynda bolady.
Qyzylorda, Batys Qazaqstan, Aqtóbe, Qostanaı, Qaraǵandy, Shyǵys Qazaqstan oblystarynda, túnde Almaty oblysynyń keı jerlerinde tuman kútiledi.
