Taıaýda Úkimette 2030 jylǵa deıin QR-nyń aýmaǵyn uıymdastyrýdyń bas syzbasynyń negizgi erejeleri talqylanyp, maquldanady
ASTANA. 4 qarasha. QazAqparat - Taıaýda Úkimette 2030 jylǵa deıin Qazaqstan Respýblıkasynyń aýmaǵyn uıymdastyrýdyń bas syzbasynyń negizgi erejeleri talqylanyp, maquldanady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ekonomıka jáne bıýdjettik josparlaý mınıstri Erbolat Dosaev málim etti.
Onyń atap ótýinshe, búginde elimizde Eldi 2020 jylǵa deıin aýmaqtyq keńistiktik damytýdyń boljamdy syzbasy iske asyrylýda. Ol óndiris kúshterin, kólik-kommýnıkatsııa, áleýmettik jáne ózge de ınfraqurylymdy utymdy ornalastyrý jáne óńirler bólinisinde halyqty qonystandyrý júıesi bolyp eseptelinedi. «Ony iske asyrý úshin Óńirlik damý mınıstrliginiń tarapynan 2030 jylǵa deıin Qazaqstan Respýblıkasynyń aýmaǵyn uıymdastyrýdyń bas syzbasynyń negizgi erejeleri jasaldy. Jaqyn arada erejeler Úkimet nazaryna usynylyp, maquldanatyn bolady», - dedi ol.
