Taıaýda Qazaqstannan qaı elderge jańa reıster ashylady
ASTANA. KAZINFORM – Kólik mınıstrligi aldaǵy ýaqytta shetel baǵytynda ashylatyn jańa áýe reısteri jaıynda málim etti.
- Halyqaralyq áýe tasymaldary naryǵy turaqty túrde damyp keledi. Búginde ushýlar 32 elge 161 baǵyt boıynsha júzege asyrylady. Keıingi tapsyrmalar aıasynda 2026-2027 jyldary Gonkong, Tokıo, Parıj, Rım, Vena, Nıý-Iork jáne basqa da qalalardy qosa alǵanda, jańa baǵyttar boıynsha tikeleı halyqaralyq reısterdi ashý máseleleri pysyqtalyp jatyr, - delingen mınıstrliktiń Kazinform agenttigine bergen jaýabynda.
Jyl basynan beri Erevan, Larnaka, Gýanchjoý, Ulan-Batyr, Batýmı, Shanhaı, Baký, Varshava, Tashkent, Orynbor, Izmır jáne basqa da qalalarǵa reıster ashylyp, qaıta qalpyna keltirildi.
- Osy jyldyń sońyna deıin Almaty – Úrgenish, Aqtóbe – Baký, Almaty – Chýntsın, Hanoı – Almaty – Praga, Astana – Inın jáne basqa da baǵyttar boıynsha jańa reısterdi iske qosý josparlanǵan, - dep atalyp ótken vedomstvo aqparatynda.
Buǵan deıin habarlanǵandaı, Astana halyqaralyq áýejaıynan Ystanbulǵa qatynaıtyn turaqty reıster sany kóbeıdi.
Bıyl kóktemde Premer-mınıstr Oljas Bektenov mınıstrlikke Qazaqstannan tikeleı jóneltiletin halyqaralyq reısterdi kóbeıtýdi tapsyrdy.
