Taıaýda Qazaqstandaǵy alǵashqy AES-ke ataý berý komıssııasynyń sheshimi jarııalanady

ASTANA. KAZINFORM — QR Atom energııasy jónindegi agenttigi tóraǵasynyń orynbasary Ǵumar Serǵazın osy aıdyń aıaǵyna deıin Qazaqstandaǵy birinshi AES-tiń ataýy jarııalanatynyn málim etti.

Ǵ. Serǵazın 25 qyrkúıekten 10 qazanǵa deıin baıqaýǵa ótinimder qabyldanǵanyn eske saldy. Oǵan 27 myńnanastam adam qatysty.

— Konkýrstyq komıssııanyń otyrysy sheshim jasap, aıqyndaıdy jáne egjeı-tegjeıli habardar etedi. Jaqyn arada jarııalaıdy. Meniń oıymşa, osy aıdyń sońyna deıin belgili bolady, — dedi agenttik tóraǵasynyń orynbasary.

Eske salsaq, bıyl qazan aıynyń sońynda Atom energetıkasy jónindegi agenttik tóraǵasy Almasadam Sátqalıev elimizde salynatyn birinshi Atom elektr stansasynyń ataýyna qatysty 28 myńnan astam usynys túskenin málimdedi. 

AES ataýyna qatysty usynystardy qabyldaý 2025 jylǵy 10 qazan saǵat 23:59–da aıaqtaldy. Bastamanyń basty maqsaty — bolashaq stantsııanyń tarıhı, mádenı jáne ulttyq mańyzyn beıneleıtin ataýdy tańdaý.