Taıaýda elimizde qaı joldar aqyly bolady
ASTANA. QazAqparat - Elordada halyq aldyndaǵy eseptik kezdesýde Investıtsııalar jáne damý mınıstri Jeńis Qasymbek aldaǵy iske qosylatyn aqyly joldar týraly aıtyp berdi, dep habarlaıdy QazAqparat tilshisi.
«Joldarǵa aqyly júıeni engizý jumystary jalǵasýda. Búginde birinshi aqyly jol júıesi «Astana-Şýchınsk» aralyǵynda jumys istep tur. Sáıkesinshe, ol joldy kútip ustaýǵa qajetti barlyq shyńyndardy ótep keledi jáne qosymsha tabysty alyp kelýde. 2018 jyldyń ekinshi jartyjyldyǵynda «Astana-Temirtaý», «Almaty-Qapshaǵaı», «Almaty-Qorǵas» ýchaskelerinde aqyly júıe iske qosylady», - dedi mınıstr suraqtarǵa jaýap bere otyryp.
Jeńis Qasymbek osyǵan deıin bul jumystar bıylǵy birinshi toqsanda aıaqtalatyny josparda bolǵanyn eske salyp ótti.
«Alaıda túrli tehnıkalyq jaǵdaılarǵa baılanysty «Almaty-Qorǵas» birinshi ýchaskesin aldaǵy bir jarym aıda iske qosýdy josparlap otyrmyz. Al qalǵan eki ýchaske tamyz jáne qyrkúıek kezinde iske qosylady. Jalpy 2022 jylǵa qaraı aqyly joldar 7 myń shaqyrymdy quraıdy, sondaı-aq osy júıe arqyly jylyna 40 mlrd teńge jınalmaq. Bul óz kezeginde avtomobıl joldarynyń barsha respýblıkalyq jelisin normatıvtik turǵyda kútip ustaýǵa múmkindik beredi», - dep túıdi mınıstr.
