Taıaýda aıýlar men pilder Jer betinen joıylady
ASTANA. QazAqparat - AQSh-tyń Stenford ýnıversıtetiniń sarapshylary Jerdiń aldaǵy taǵdyry týraly ǵylymı qorytyndy jasady: Jerde kúlli tarıh boıynsha janýarlar álemi joıylýynyń altynshy kezeńi bastaldy, dep habarlady Ýtro.ru.
Zertteýshiler toby úrdisti zerdeleýge jáne Jerdegi tirshilik ıeleriniń joıylý jyldamdyǵyna jańa tásilderdi qoldanyp, zertteý júrgizdi. Derekterge sáıkes qazir 16-dan 33 paıyzǵa deıin janýarlar álemi tolyqtaı joıylyp ketý qaýpinde tur.
Jalpy XVI ǵasyrdan bastap Jerde 300-den astam omyrtqaly janýarlar túri joıylǵan. ıAǵnı, olar eki esege azaıǵan. Qalǵan túrler 25 paıyzǵa tómendegen. Bul rette joıylý qarqyny myń esege artqan.
Ǵalymdar osy jolǵy jaǵdaı tabıǵı qubylystarǵa baılanysty ekenin aıtady. Buǵan búginde qalypty ortany ózgertýge tyrysyp jatqan adamzat kináli. Bul iri janýarlar: pil, aıýlardyń joıylyp ketýine ákeledi.
Mamandar munyń aldyn alýǵa bolatynyn aıtady, alaıda oǵan kóp kúsh qajet. Atap aıtqanda, janýarlardyń keıbir túrleriniń mekenin aýystyryp, olardy jańa jaǵdaıǵa beıimdeý qajet.
Eske sala keteıik, qazir janýarlar álemi men ósimdikter áleminiń iri kólemde joıylýynyń bes jaǵdaıy belgili. Sonymen, 66 mln. jyl buryn dınozavrlar men tórt túrli janýarlardyń úsh túri joıylǵan. Al shamamen 252 mln. jyl buryn kezekti tabıǵat kataklızmi saldarynan sol kezde meken etken janýarlardyń 90 paıyzy joıylyp ketken.
