Taıaýda Almatyda jedel jáne shuǵyl kómek aýrýhanasy ashylady
ALMATY. 6 jeltoqsan. QazAqparat /Erbol Azanbek/ - Taıaý kúnderi Almatynyń Almaly aýdanynda jedel jáne shuǵyl kómek aýrýhanasy ashylady. Búgin qala ákimi Aqmetjan Esimov atalǵan aýrýhananyń qurylysymen tanysty.
350 oryndyq aýrýhana hırýrgııalyq, travmotologııalyq jáne gınekologııalyq baǵytta jedel, shuǵyl kómek kórsetýge arnalǵan. Aýrýhana zamanýı eýropalyq quraldarmen jabdyqtalǵan. 9 operatsııalyq zalda beınebaqylaý, operatsııany alys qashyqtyqtan baqylaý, jasalǵan ota barysy týraly málimetterdi saqtaýǵa arnalǵan qurylǵylar ornatylǵan. Aýrýhana qurylysyna tuńǵysh ret erekshe materıaldar paıdalanylǵan. Máselen qabyrǵalar, eden men tóbe arnaıy bakterııaǵa qarsy jabyndylarmen qaptalǵan.
Qala ákimi aýrýhananyń qurylysy men jabdyqtalýyna joǵary baǵa berdi. «Endi sizderdiń basty maqsattaryńyz - jemisti eńbek etý. Al eń bastysy - adamdy tezirek emdeý. Bul aýrýhanany ustaý bizdiń jergilikti bıýdjetke úlken kúsh. 840 adam shtatta. Biz almatylyqtardyń densaýlyǵynyń myqty bolýy úshin bárin isteımiz»,- dedi ol.
Nysan jeltoqsannyń 25 kúni paıdalanýǵa berilmek. Qurylysy 2006 jyly bastalǵan qurylystyń jalpy quny 7 mıllıard 318,3 mıllıon teńge. Qazirgi kezde bunda negizgi qurylys jumystary aıaqtalyp, medıtsınalyq jabdyqtar ornatylý ústinde.
