Taıaý jyldarda munaı-gaz sektoryn damytý jónindegi baǵdarlama aıasynda birqatar iri jobalar júzege asyrylady
ASTANA. 3 jeltoqsan. QazAqparat - Taıaý jyldarda munaı-gaz sektoryn damytý jónindegi baǵdarlama aıasynda birqatar iri jobalar júzege asyrylady. Qazaqstan Úkimetiniń arnaıy qaýlysymen bekitilgen 2012-2016 jyldar aralyǵyn qamtıtyn elimizdiń áleýmettik-ekonomıkalyq damýy týraly josparynda atalǵan salany damytý maqsaty kózdelip otyr.
Elimizde munaı-gaz sektoryn damytý saıasaty munaı men gazdyń eksportyn ulǵaıtýǵa, munaıdy tasymaldaýdyń eksporttyq baǵyttaryn ártaraptandyrýǵa, jańa munaı qubyrlaryn salýǵa, ishki naryqtyń munaı ónimderi men gazǵa qajettiligin qamtamasyz etýge baǵyttalǵan.
Alǵa qoıǵan maqsattarǵa qol jetkizý Qazaqstan Respýblıkasynda munaı-gaz sektoryn damytý jónindegi 2010-2014 jyldarǵa arnalǵan baǵdarlama aıasynda júzege asyrylady.
Osy baǵdarlama sheńberinde birqatar úlken jobalar qarastyrylǵan. Atap aıtqanda, Beıneý-Bozoı-Shymkent magıstraldyq gaz qubyryn salý, Aqtaý plastıkalyq massalar zaýytynda jol bıtýmy óndirisin salý, Qarajambas aýyr munaıyn qaıta óndirý, qoldanystaǵy úsh munaı óńdeý zaýyttaryn qaıta qurý jáne jańǵyrtý, ıntegratsııalanǵan gaz-hımııa keshenin salý jobalary júzege asyrylady.
