Taıaý jáne Orta Shyǵystaǵy ahýaldy arab elderiniń daǵdarysy deýge bolmaıdy - QR UǴA prezıdenti
ALMATY. 2 naýryz. QazAqparat /Erlik Erjanuly/ - Taıaý jáne Orta Shyǵys elderi arasynda ekonomıkalyq damýy jaǵynan ózgelerge úlgi bola alatyn memleketter bar.
Bul búgin Almatyda "Arab daǵdarysy: sebebi, qaýip-qaterleri, saldary" degen taqyrypta ótken sarapshylar máslıhatynda aıtyldy.
"Taıaý jáne Orta Shyǵystaǵy ahýaldy arab elderiniń daǵdarysy deýge bolmaıdy. Onda memleket qurýdaǵy ekonomıkalyq jáne demokratııalyq negizderi jaǵynan ózgelerge úlgi bola atatyn memleketter bar. Sondyqtan pikirsaıys taqyrybyn bulaı qurýǵa bolmaıdy", - deıdi QR UǴA Prezıdenti Murat Jurynov. Akademıktiń aıtýynsha, mundaı shara arqyly Islam konferentsııasy uıymyna tóraǵalyq etetin Qazaqstan keıbir arab elderiniń ókpe-renishin týdyrýy múmkin.
Al QR Tuńǵysh Prezıdenti qory janyndaǵy Álemdik ekonomıka jáne saıasat ınstıtýtynyń dırektory Sultan Ákimbaevtyń aıtýynsha, arab daǵdarysy degen sóz qazir barlyq jerde qoldanysqa enip ketti. Ol arab elderin ǵana sharpyp otyr.
