Taıaý jáne Orta Shyǵystaǵy ahýal men Qazaqstandaǵy jaǵdaı túbirimen erekshelenedi -B. Sultanov
ALMATY. 2 naýryz. QazAqparat /Erlik Erjanuly/ - Taıaý jáne Orta Shyǵystaǵy ahýaldyń Qazaqstanda qaıtalanýyna esh negiz joq.
Bul týraly búgin Almatyda "Arab daǵdarysy: sebebi, qaýip-qaterleri, saldary" degen taqyrypta ótken sarapshylar máslıhatynda aıtyldy.
"Іshki jáne syrtqy saıasat mamandary arab áleminde ne bolyp jatqany týraly óz pikirlerimen bólisip, aldaǵy ýaqytta ahýal qalaı damıtyny týraly boljam jasaýy úshin biz búgin jetekshi qazaqstandyq ǵalymdardy jınaýǵa tyrystyq. Qazir qoǵamda ár qıly kózqaras bar. Bireýler Lıvan, Týnıs, Egıpet tájirıbeleri kúshti memlekettik bıliktiń balamasy beıbereketsizdik pen haos degendi aıtýda. Qazirgi tóńkeris shynynda da jekelegen elderdi ǵana emes búkil Taıaý Shyǵysty tynyshsyzdandyrdy. Batystyq BAQ Lıvııa, Týnıs, Egıpet qalalaryndaǵy tártipsizdik týraly sıýjetke toldy. Sondaı-aq 100 myńdaı adam qazirdiń ózinde bul elderdiń ózge eldermen aradaǵy shekaralarynda jınaqtalyp qaldy. Baǵa onda kúrt ósti. Bul aldaǵy ýaqytta odan ary jalǵasa beretin bolady. Biz sizdermen birge memleketterdiń qulaýyn tamashalaýmyz múmkin. Ol eshkim baqylamaıtyn lańkestik jáne qylmystyq aımaqtardyń paıda bolýyna ákelýi de múmkin", - deıdi QR Prezıdenti janyndaǵy Qazaqstannyń strategııalyq zertteýler ınstıtýtynyń dırektory Bolat Sultanov.
Saıasattanýshynyń aıtýynsha, turaqsyzdyq oshaǵyn qalyptastyrý endi álemniń barlyq jerine taralatyn bolady. Áskerı dıktatýralyq júıedegi Taıaý jáne Orta Shyǵys elderindegi jumyssyzdyq deńgeıi Lıvııada - 40, Iemende - 35, Týnıste -22, Aljır men Egıpette -20 paıyzdy qurady. Ondaǵy demografııalyq dúmpý nátıjesinde jumyssyzdyq alǵashqy kezde jastarǵa áser etti. Máselen, Egıpette halyqtyń úshten ekisinen astamyn - 15 jasqa deıingiler qurady. Sondyqtan da jastar áleýmettik narazylyq bildirýshilerdiń aldyńǵy qatarynda boldy.
