Taıaý úsh kúnde aıazdy kúnder jylyna bastaıdy
ASTANA. QazAqparat - Troposferada qalyptasqan aýa massasynyń batys-shyǵysqa aýysýy Qazaqstannyń soltústik jartysynda temperatýranyń edáýir kóterilýine áser etti.
«Ótken aptada aýa temperatýrasy 8-13º normadan tómen bolsa, túngi temperatýra 30 gradýsqa deıin tómendedi. Aldaǵy úsh kúnde Atlantıka aýdandarynan kelgen jyly aýanyń yqpalymen respýblıkanyń barlyq aýmaǵynda 3-10º klımattyq normadan joǵary bolady», - dep habarlady 24-26 qarashadaǵy aýa raıyn boljaǵan «Qazgıdromet» RMK.
Bul rette oblystardyń basym bóliginde bultty aýa raıy saqtalady. Jer-jerlerde jaýyn-shashyn, jylbysqy qar jaýyp, tuman túsip, kóktaıǵaq bolady dep kútiledi. Ońtústik pen ońtústik-shyǵysta ǵana Sibir antıtsıklony taramdarynyń yqpalymen aýa raıy ashyq bolyp, túngi jáne tańǵy ýaqyttarda tuman túsedi.
