Taıaý ýaqytta Qazaqstannyń soltústigi men shyǵysynda temperatýra 40 gradýs aıazǵa deıin kúrt tómendeýi múmkin - QR TJM
ASTANA. Jeltoqsannyń 17-i. QazAqparat - QR Tótenshe jaǵdaılar mınıstrligi aýa raıynyń buzylatyndyǵy jóninde eskertý jarııalady.
Taıaý aradaǵy táýlikterde Qazaqstannyń soltústigi men shyǵysynda temperatýra 40 gradýs aıazǵa deıin kúrt tómendeýi, qar jaýyp, boran soǵýy múmkin.
Astanada jeltoqsannyń 17-sinde oqtyn-oqtyn qar jaýady, boran soǵady, batystan soqqan jel sekýndtyna 15-20 metrge jetedi. Temperatýra 27-29 gradýs aıazǵa deıin kúrt tómendeýi múmkin.
Qostanaı, Soltústik Qazaqstan jáne Aqmola oblystarynda jeltoqsannyń 17-sinde keı jerlerde qar jaýyp, boran soǵady, batystan soqqan jel sekýndtyna 17-22 metrge jetedi, aýa temperatýrasy 28-33 gradýsqa deıin, keı jerlerde 33-38 gradýsqa deıin jetip aıaz bolady, jeltoqsannyń 18-i jáne 19-y kúnderi qatty aıaz saqtalady - 30-35 gradýsqa, keı jerlerde 40 gradýsqa deıin sýytady.
Pavlodar oblysynda jeltoqsannyń 17-sinde - qar jaýady, boran soǵady, batystan soqqan jel sekýndtýna 17-22 metrge jetedi, aýa temperatýrasy 15-20 gradýs, keı jerlerde 25 gradýsqa, jeltoqsannyń 18-i jáne 19-y kúnderi temperatýra 30-35 gradýsqa deıin, keı jerlerde 40 gradýsqa deıin tómendeıdi.
Qaraǵandy oblysynda jeltoqsannyń 17-sinde keı jerlerde qar jaýady, boran soǵady, batystan soqqan jel sekýndtyna 17-22 metrge jetedi, aýa temperatýrasy 18-23 gradýsqa deıin tómendep, keı jerlerde 28-33 gradýs aıaz bolady, jeltoqsannyń 18-i jáne 19-y kúnderi túnde aýa temperatýrasy 20-25 gradýs, keı jerlerde 30-35 gradýsqa deıin sýytady.
Astanada kún ala-bultty bolyp, túnde qar jaýady, boran soǵady. Batystan soqqan jel sekýndtýna 9-14 metrge jetedi. Temperatýra túnde - mınýs 27-29 gradýs.
Almatyda - kún ala bultty, qar jaýady, tuman túsedi, kóktaıǵaq bolady. Batystan soqqan jel sekýndtýna 3-8 metrge jetedi. Temperatýra túnde mınýs 4-6 gradýs.
