Taıaý Shyǵystaǵy klımattyń ózgerýi osylaı jalǵasa berse, turǵyndarsyz qaldyrýy múmkin
ASTANA. QazAqparat - Massachýsets tehnologııalyq ınstıtýty men Los-Andjelestegi Loıola ýnıversıtetiniń klımatologtary parnıktik gazdardyń bóliný deńgeıi tómendemese, Parsy shyǵanaǵyndaǵy elder adamdar mekendeı almaıtyn aımaqqa aınalýy múmkin ekenin anyqtady. Ǵalymdardyń sózine qaraǵanda, buǵan ylǵaldylyq pen joǵary temperatýra sebep bolmaq.
Aldaǵy 100 jylda Taıaý Shyǵys elderindegi «ylǵaldy termometr temperatýrasynyń» ózgerýin boljaýǵa tyrysqan ǵalymdar osyndaı toqtamǵa keldi.
Ádette adam denesiniń temperatýrasy terleý arqyly qalypqa keledi. Eger «ylǵaldy termometr temperatýrasy» 35 gradýstan artsa, ter shyqpaı, adam denesi qatty qyzyp, kún ótedi tipti kóz jumýy da múmkin.
Ǵalymdardyń jańa esepteýleri kórsetkendeı, parnıktik gazdyń bóliný dárejesi ósken jaǵdaıda Parsy shyǵanaǵyndaǵy elder osy 2070-shi jyldarǵa qaraı joǵary qaýiptilik deńgeıine jetedi. Bul jaǵdaıda Katar astanasy Doha, BAÁ-niń Dýbaı jáne Ábý-Dabı qalalary, Dhahran qalasy, ırandyq Bandar Abbas jáne kóptegen ózge de eldi mekender ómir súrýge jaramsyz bolyp qalady.
