Taıaý Shyǵysta jáne Erevan, Bakýde saılaý ýchaskeleri jumys isteı bastady

ASTANA. QazAqparat – Álemniń 7 qalasynda saılaý ýchaskeleri jumys isteı bastady. Bul týraly QazAqparat SІM silteme jasap habarlaıdy.

Atap aıtqanda Taıaý Shyǵysta Abý-Dabı, Dýbaı, Maskat jáne Erevan, Baký, Astrahan jáne Tbılısıde daýys berýge arnalǵan ýchaskeler jumys isteı bastady.

Buǵan deıin habarlaǵanymyzdaı, Astana ýaqytymen tańǵy saǵat 4-te Seýlde №258 jáne Tokıoda №261 saılaý ýchaskeleri álemde birinshi bolyp ashyldy.

Ońtústik Koreıadaǵy QR azamaty kýrsant Asanov Elnýr birinshi bolyp daýys berdi.

QR Konstıtýtsııasyna sáıkes, Parlament Májilisi aralas saılaý júıesi boıynsha Konstıtýtsııalyq zańda belgilengen tártippen saılanatyn 98 depýtattan turady. Biryńǵaı jalpyulttyq saılaý okrýgi aýmaǵy boıynsha, ıaǵnı partııalyq tizim boıynsha Májilistiń 69 depýtaty, bir mandatty aýmaqtyq saılaý okrýgteri boıynsha – 29 depýtat saılanady.