Taıaý Shyǵys pen Afrıkadaǵy jaǵdaıdyń nasharlaýyna baılanysty Qazaqstan alańdaýshylyq bildiredi
«Qarapaıym halyqtyń zardabyna ákep soqqan lańkestik is-áreketter nátıjesinde Taıaý Shyǵys jáne birqatar afrıkalyq memleketterdegi jaǵdaıdyń nasharlaýyna baılanysty Qazaqstan alańdaýshylyq bildiredi. Qazaqstan Týnıs, Kýveıt, Mysyr jáne Nıgerııa halyqtaryna qaıǵy-qasiretine ortaqtastyǵyn bildirip, osy elderde bolǵan lańkestik is-áreketterge oraı kóńil aıtady.
Qazaqstan, dúnıejúzilik qaýymdastyqtyń bóligi retinde, osy elderdegi jaǵdaıǵa alańdaýshylyq bildire otyryp, lańkestiktiń bar túrleri men kórinisterin tabandy túrde kinárattaıdy jáne osy qubylysty túp-tamyrymen qurtý úshin dúnıejúzilik qaýymdastyqty nátıjeli ujymdyq sharalar qabyldaýǵa shaqyrady. Qazaqstan lańkestik áreketter búkil álemge qaýip-qater tóndiredi dep sanaıdy.
Qazaqstan ustanymy halyqaralyq quqyq qaǵıdattaryna jáne BUU QK tıisti qararlaryna negizdeledi. Ekstremızm men lańkestikke qarsy BUU aıasynda birlesken sharalar qoldaný jáne Taıaý Shyǵys jáne Afrıka elderindegi halyqtyń bolashaǵy men múmkindikterine kerneý salatyn ekonomıkalyq jáne áleýmettik máseleler sheshiminiń joldaryn izdeý qajet dep oılaımyz», - dep jazylǵan málimdemede.