Taıaý Shyǵystyń salqyny: EO-nyń energııa shyǵyndary 24 mlrd eýroǵa artty
ASTANA. KAZINFORM — Eýropalyq Odaqtyń (EO) Taıaý Shyǵystaǵy qaqtyǵys bastalǵaly beri energııa resýrstaryna jumsaǵan qosymsha shyǵyndary 24 mıllıard eýroǵa jetti. Bul týraly Brıýsselde ótken baspasóz máslıhatynda EO-nyń energetıka jónindegi komıssary Dan Iorgensen málimdedi, jazdy BILD.
– Qaqtyǵys bastalǵaly beri energııaǵa ketken qosymsha shyǵyndar 24 mıllıard eýrony qurady. Bul kúnine shamamen 500 mıllıon eýro degen sóz. Muny Eýropalyq Odaqtaǵy barlyq elder, ónerkásip pen qarapaıym turǵyndar sezip otyr, – dedi ol.
Eske sala keteıik, AQSh pen Irannyń Ormýz buǵazyndaǵy kıkiljińine baılanysty munaı baǵasy kóterilip jatqanyn jazdyq.
Al Nissan Taıaý Shyǵystaǵy kúrdeli ahýalǵa baılanysty avtokólik óndirisin qysqartatyny belgili boldy.
Japonııa qosymsha 20 kúndik munaı qoryn bosatady.
Germanııada janarmaıdyń qymbattaýyna baılanysty avtobandarda jyldamdyqty shekteý usynyldy.
