Taıaý Shyǵystan Qazaqstanǵa 9926 azamat evakýatsııalandy
ASTANA. KAZINFORM – Qazaqstannyń memlekettik organdary men dıplomatııalyq ókildikteriniń uıymdastyrýymen Taıaý Shyǵys óńirinen Qazaqstanǵa barlyǵy 9 926 qazaqstandyq azamat qaıtaryldy.
Irannan Túrikmenstan shekarasy arqyly jerústi baǵytymen úsh Qazaqstan azamaty evakýatsııalandy. Evakýatsııa bastalǵan sátten beri Irannan jalpy 69 qazaqstandyq elge jetkizildi.
Sonymen qatar Izraılden 68 Qazaqstan azamaty elge qaıtaryldy.
Qazaqstannyń óńirdegi dıplomatııalyq ókildikteri jergilikti deńgeıde úılestirý jumystaryn jalǵastyryp, otandastarmen turaqty baılanys ornatyp, olarǵa qajetti kómek kórsetip jatyr. Bul sharalar Qazaqstan azamattarynyń qaýipsizdigin qamtamasyz etýge baǵyttalǵan.
Eske sala keteıik, buǵan deıin Taıaý Shyǵystaǵy jaǵdaıǵa baılanysty 4 myńnan astam qazaqstandyqqa qoldaý kórsetilgenin habarlaǵanbyz.
