Taıaý Shyǵystan qazaqstandyqtardy qaıtarý úshin 21 repatrıatsııalyq reıs oryndaldy

ASTANA. KAZINFORM – Taıaý Shyǵystan 3500 adam qaıtaryldy. 

Air Astana kompanııalar toby 10 naýryzda Air Astana/FlyArystan áýe kompanııalarynyń jolaýshylaryn Maskattan (Oman) Almatyǵa qaıtarý úshin 2 repatrıatsııalyq reıs oryndady.

Áýe kompanııasy jolaýshylarǵa Dýbaıdan Maskatqa tegin transfer qamtamasyz etti.

Taǵy bir reıs Syrtqy ister mınıstrligimen birlesip Jıddadan Atyraýǵa uıymdastyryldy.

Naýryzdyń 3 men 10 aralyǵynda kompanııalar toby Medına, Jıdda jáne Maskattan 21 repatrıatsııalyq reıs (toptyń 8 reısi jáne SІM-men birlesip 13 reıs) oryndap, Qazaqstanǵa 3500 jolaýshyny qaıtardy. 

Eske salsaq Taıaý Shyǵystan 9517 qazaqstandyq oralǵan edi.