Taıaý Shyǵystan qazaqstandyqtardy evakýatsııalaýǵa atsalysqandar nagradtaldy
ASTANA. KAZINFORM — Búgin Taıaý Shyǵys óńirinde áýe keńistiginiń jabylýyna baılanysty bıylǵy aqpan aıynda evakýatsııalyq is-sharalar uıymdastyrýǵa jáne ótkizýge eleýli úles qosqan avıatsııa salasynyń ókilderin marapattaý rásimi ótti, dep habarlaıdy Úkimettiń baspasóz qyzmeti.
Marapattarǵa memlekettik organdar men uıymdar qyzmetkerleri, áýe kompanııalary men áýejaılar mamandary, ushý ekıpajdarynyń músheleri, jerústi qyzmetteriniń mamandary jáne salanyń basqa da ókilderi usynyldy.
Memlekettik nagradalardy Memleket basshysynyń atynan Qazaqstan Respýblıkasy Premer-mınıstriniń birinshi orynbasary Roman Sklıar tabys etti.
— Barlyq jumystyń naqty ári úılesimdi uıymdastyrylǵanyn atap ótkim keledi. Bul laıyqty ordender, medaldar jáne Prezıdenttiń alǵysy sizder úshin aldaǵy kásibı ósýge, bar daǵdylardy jetildirýge jáne jańa bilim men qabiletterdi meńgerýge qosymsha serpin beredi dep senemin. Bul sizderge aldaǵy ýaqytta da Otanymyzdyń órkendeýi jolynda jemisti eńbek etýge múmkindik beredi, — dedi Roman Sklıar.
Bıylǵy aqpan aıynda Taıaý Shyǵys óńirinde áýe keńistiginiń jabylýyna baılanysty Memleket basshysynyń tapsyrmasy boıynsha Qazaqstan azamattaryn elge qaıtarý boıynsha aýqymdy jumys jedel uıymdastyryldy. Qurylǵan vedomstvoaralyq toptyń quramyndaǵy memlekettik organdar men uıymdar ókilderi tıisti jumysty qamtamasyz etti.
3–13 naýryz aralyǵynda 66 reıs oryndalyp, elimizdiń 10 275 azamaty Otanyna qaıtaryldy. Tasymaldaýdy Air Astana, SCAT, FlyDubai jáne Air Arabia áýe kompanııalary Dýbaı, Shardja, Djıdda, Medına jáne Maskattan Almaty, Astana, Atyraý, Aqtaý jáne Shymkent baǵyttary boıynsha júzege asyrdy.
Marapttalǵandar:
«Qurmet» ordenimen:
- Talǵat Ahmetov — «Eır Astana» aktsıonerlik qoǵamynyń departament dırektory
- Oleg Kolesnıkov — «Eır Astana» aktsıonerlik qoǵamynyń bas ushqyshy
- Aleksandr Neboga — «Eır Astana» aktsıonerlik qoǵamynyń vıtse-prezıdenti
«Eren eńbegi úshin» medalimen:
- Ánýar Boranbaev — «SCAT» áýekompanııasy» aktsıonerlik qoǵamynyń bortserigi
- Serik Jeksembaev — «Eır Astana» aktsıonerlik qoǵamynyń ınjeneri
- Shynar Jumataeva — Qazaqstan Respýblıkasynyń Birikken Arab Ámirlikterindegi Elshiliginiń keńesshisi
- Tahırjan Iskakov — TJM «Barys» respýblıkalyq qutqarý qyzmeti» RMM qutqarýshy-meıirgeri
- Mýhtor Iskandarov — «SCAT» áýekompanııasy» AQ komandıri
- Sergeı Komnatnyı — «SCAT» áýekompanııasy» AQ áýe kemesiniń komandıri
- Maksım Mejevıı — «SCAT» áýekompanııasy» AQ áýe kemesiniń komandıri
- Evgenıı Mýstafın — TJM «Barys» respýblıkalyq qutqarý qyzmeti» RMM qutqarýshy-meıirgeri
- Klım Pak — «Eır Astana» AQ menedjeri
- Andreı Samoılov — «SCAT» áýekompanııasy» AQ dırektory
- Mıras Temirbekov — «SCAT» áýekompanııasy» AQ áýe kemesiniń komandıri
- Raýan Myńbaev — «Habar» agenttigi» AQ «24KZ» arnasynyń BAÁ-degi tilshisi
- Sergeı Haldeev — «Eır Astana» AQ departament dırektory
«Shapaǵat» medalimen:
- Álibek Almabekov — «Qazaqstan Business Council» KEU tóraǵasy
«Qazaqstan Respýblıkasy Prezıdentiniń Alǵysy» tósbelgisimen:
- Erbol Іzbergenov — Mańǵystaý oblysy ákiminiń orynbasary
- Saltanat Tompıeva — Kólik mınıstrligi Azamattyq avıatsııa komıtetiniń tóraǵasy
- Abdýl Rahım Mohd Nızam Bın — «Eır Astana» AQ menedjeri
- Alısher Abdyǵalıev — «SCAT» áýekompanııasy» AQ bortserigi
- Árlen Ábdý — «SCAT» áýekompanııasy» AQ bortserigi
- Vladımır Bondarev — «Eır Astana» AQ menedjeri
- Asylhan Esilov — «Týrıstik qamqor» qorynyń dırektory
- Rýslan Zulharnaı — «Eır Astana» AQ tehnıgi
- Dmıtrıı Korobov — «SCAT» áýekompanııasy» AQ bortserigi
- Nıkolaı Kýnle — «SCAT» áýekompanııasy» AQ dırektory
- Denıs Qozbaǵarov — «Eır Astana» AQ menedjeri
- Súleıman Mırzaev — «SCAT» áýekompanııasy» AQ bólim basshysy
- Janar Ponomareva — «Eır Astana» AQ menedjeri
- Inna Reı — «Týrıstik qamqor» qorynyń tóraǵasy
- Stanıslav Rıaskov — «SCAT» áýekompanııasy» AQ orynbasary
- Arman Satımov — «White stone» kompanııasynyń bas dırektory
- Sabyrjan Tastembekov — TJM aǵa ofıtseri
- Jańyl Úmbetııarova — áýejaı basqarma tóraǵasy
- Ksenııa Cherepanova — «SCAT» áýekompanııasy» AQ bortserigi
Qazaqstan Respýblıkasy Prezıdentiniń Alǵysy:
- Talǵat Lastaev — kólik vıtse-mınıstri;
- Bolyshan Nuǵymanov — UQK Shekara qyzmeti bólim basshysy;
- Bınısh Tandaıamparambat — «Eır Astana» AQ menedjeri;
- Bella Tormysheva — «Eır Astana» AQ vıtse-prezıdenti.
- Qazaqstan Respýblıkasy Prezıdentiniń Alǵys haty:
- Talǵat Shaımardanov — UQK Shekara qyzmeti ofıtseri;
- Sarvınoz Ermatbaeva — «SCAT» áýekompanııasy» AQ bortserigi.
Budan buryn habarlanǵandaı, 14 naýryzda QR Syrtqy ister mınıstrligi Taıaý Shyǵys aımaǵynan Qazaqstan azamattaryn evakýatsııalaý jumysy aıaqtalǵanyn málimdedi.
