Taıaý Shyǵystan 91 mońǵolııalyq arnaıy reıspen eline qaıtty

ASTANA. KAZINFORM — Mońǵolııa azamattary Dýbaıdan arnaıy reıspen elge oraldy, dep habarlaıdy Montsame.

Taıaý Shyǵysta qalyptasqan jaǵdaıǵa baılanysty Mońǵolııa úkimeti osy óńirde júrgen jáne elge oralǵysy keletin azamattardy qaıtarý jumystaryn uıymdastyrý týraly sheshim qabyldady.

Osy shara aıasynda Birikken Arab Ámirlikteri úkimetiniń qoldaýymen MIAT áýe kompanııasynyń OM904 arnaıy reısiniń Dýbaı qalasyna qaýipsiz ushýy qamtamasyz etildi.

Arnaıy reıs Dýbaıdaǵy Ál-Maktým halyqaralyq áýejaıynan ushyp shyqty, onyń bortynda 91 jolaýshy boldy.

Agenttik málimetinshe, arnaıy reıs Mońǵolııaǵa sátti qondy.

Buǵan deıin 10 myńnan asa qytaılyq týrıst Taıaý Shyǵystan evakýatsııalanǵanyn jazǵanbyz.

Sonymen qatar, 8 kúnde Ózbekstan Taıaý Shyǵys elderinen 21,7 myń otandasyn elge qaıtarǵanyn habarladyq.