Taıaý Shyǵystaǵy jaǵdaıǵa baılanysty Qazaqstan azamattaryna 15 elge barmaý usynyldy
ASTANA. KAZINFORM – Qazaqstan Syrtqy ister mınıstrligi Taıaý Shyǵystaǵy áskerı qaqtyǵystarǵa baılanysty azamattarǵa birneshe elge barýdan bas tartýdy usyndy. Bul usynys aımaqtaǵy jaǵdaı tolyq turaqtanǵanǵa deıin kúshinde bolady.
Mınıstrlik tizimine Bahreın, Mysyr, Izraıl, Iemen, Iordanııa, Irak, Iran, Qatar, Saýd Arabııasy, Kýveıt, Lıvan, BAÁ, Oman jáne Sırııa enip otyr. Sonymen qatar kóptegen eldiń áýe keńistiginiń jabylýyna baılanysty saparlardy shekteý qajettigi atap ótildi.
Qazaqstan azamattaryna óńirde júrgen jaǵdaıda jeke qaýipsizdik sharalaryn kúsheıtý, qaýipti aımaqtarǵa barmaý, jergilikti bılik nusqaýlaryn oryndaý, zymyran qaýipi týyndaǵanda baspanalarǵa nemese panalaý oryndaryna shuǵyl barý usynylady. Sondaı-aq sheteldegi elshilik, týroperatorlar jáne áýe tasymaldaýshylarmen turaqty baılanysta bolý mańyzdy.
Aıta ketsek, osyǵan deıin Tımýr Súleımenov Taıaý Shyǵystaǵy ahýaldyń Qazaqstan ekonomıkasyna áserin ataǵan edi.
