Taıaý Shyǵystaǵy jaǵdaıǵa baılanysty Almaty men Astanadan ushyp shyqqan ushaqtar keri oralady
ALMATY. KAZINFORM — 28 aqpan kúni Iran áýe keńistiginiń jabylýy jáne Taıaý Shyǵystaǵy turaqsyz jaǵdaıǵa baılanysty Almaty men Astana áýejaılarynan ushyp shyqqan birneshe reıs óz áýejaılaryna oralady.
Air Astana áýe kompanııasynyń málimetinshe:
- KC263 Almaty — Medına
- KC897 Almaty — Dýbaı
- KC653 Almaty — Doha
- KC205 jáne KC207 Astana — Dýbaı reısteri bastapqy áýejaılaryna qaıtty.
Al KC899 Almaty — Dýbaı reısi Delıge baǵyttaldy. FlyArystan-nyń FS7617 Aqtaý — Dýbaı reısi qosalqy áýeaılaqqa qondy.
28 aqpanda Taıaý Shyǵysqa qalǵan barlyq reıs toqtatyldy.
Air Astana kompanııalar toby jaǵdaıdy muqııat baqylap, jolaýshylardy tasymaldaý máselelerin sheship jatqanyn málimdedi. Jolaýshylar reısterdiń mártebesin teksergeni jón, sebebi mejeli áýejaılarǵa ushý jáne kelý ýaqytynda ózgerister bolýy múmkin.
— Satyp alý orny boıynsha Jıdda, Medına jáne Dýbaıǵa bıletterdi 6 naýryzǵa deıin tegin qaıta brondaýǵa nemese qaıtarýǵa ruqsat etiledi, — delingen habarlamada.
Eske salaıyq, buǵan deıin Izraıl Iranǵa soqqy jasaǵanyn habarlaǵanbyz.
Iran men Izraıl ózderiniń áýe keńistigin barlyq ushaq qozǵalysy úshin jaýyp tastady, sol sebepti ushaqtar Iran aýmaǵynan shyǵýǵa nemese aınalyp ótýge májbúr bolyp jatyr.
Donald Tramp AQSh-tyń Iranǵa qarsy «kóp masshtabty áskerı operatsııa» bastaǵanyn rastady.