Taıaý Shyǵystaǵy jaǵdaıǵa baılanysty 6 eldiń áýe keńistigin paıdalanýǵa tyıym salyndy

ALMATY. KAZINFORM –  Bıyl 13 maýsymnan bastap Taıaý Shyǵystaǵy jaǵdaıǵa baılanysty azamattyq avıatsııa qaýipsizdigine tónetin qaýiptiń joǵary deńgeıin eskere otyryp, Qazaqstannyń avıatsııalyq ákimshiligi qazaqstandyq áýe kompanııalarǵa 6 eldiń – Iran, Izraıl, Irak, Iordanııa, Sırııa jáne Lıvannyń áýe keńistigin paıdalanýǵa tyıym saldy.

Osyǵan baılanysty Taıaý Shyǵysqa jolaýshylar tasymalyn oryndaıtyn áýe kompanııalar óz reısterin osy elderdiń áýe keńistiginde júzege asyrmaı, aınalyp ushady.

Aıta ketý kerek, osy jyldyń 17 maýsymynda «SCAT» áýe kompanııasy Irannan Qazaqstan Respýblıkasynyń 89 azamattaryn shyǵarý maqsatynda Ashhabad – Astana baǵyty boıynsha reısti oryndady. Reıs qoldanystaǵy shekteýlerge sáıkes tolyq oryndaldy.

Aıta keteıik, SCAT áýe kompanııasy reısterdiń keshigetini týraly eskertý jasady.

Taıaý Shyǵystaǵy qaqtyǵys áýe qatynasyna áser etip, reıster toqtatylyp jatyr.

Taıaý Shyǵystaǵy qaqtyǵystyń shıelenisýine baılanysty Air Astana reısteri toqtatyldy.