Taıaý Shyǵystaǵy jaǵdaı teńge baǵamyna qalaı áser etedi
ASTANA. KAZINFORM — Taıaý Shyǵystaǵy shıelenis barysynda álemdik munaı baǵasynyń kóterilýi teńge baǵamyna aıtarlyqtaı áser etken joq. Bul týraly Ulttyq bank tóraǵasy Tımýr Súleımenov aıtty.
Ulttyq bank basshysynyń sózine qaraǵanda, munaı baǵasy ózgerýiniń áseri birden baıqalmaıdy.
— Ázirge, aıtarlyqtaı tikeleı áserin baıqaǵan joqpyz. Óıtkeni munaı baǵasynyń ósýi birazdan keıin áserin beredi, ıaǵnı bir jarym nemese eki aı ýaqyt kerek, — dedi T. Súleımenov Parlament Májilisinde tilshiler suraǵyna jaýap bere otyryp.
Sonymen qatar UB tóraǵasy qazir munaıdyń bıýdjettegi baǵasyn qaıta qarastyrýǵa alǵysharttar joq ekenin atap ótti.
Aıta keteıik, Izraıl men Iran arasyndaǵy jaǵdaıdyń ýshyǵýy álemdik munaı baǵasynyń ósýine áser etti.
Kurs.kz málimetinshe, qazirgi ýaqytta elordanyń aqsha aıyrbastaý pýnktterinde:
— dollar 484,99 teńgeden satyp alynady, 491,97 teńgeden satylady;
— eýro: satyp alý — 562,00 teńge, satý — 573,42 teńge;
— rýbl: satyp alý — 6,50 teńge, satý — 6,80 teńge;
— ıýan 68,81 teńgeden satyp alynady, 73,86 teńgeden satylady.
