Taıaý Shyǵystaǵy jaǵdaı: Saýd Arabııasyndaǵy eń iri munaı óńdeý zaýyty jumysyn toqtatty
ASTANA. KAZINFORM – Oqıǵa aımaqtaǵy shıelenistiń artýy aıasynda oryn alyp, munaı baǵasynyń ósýine sebep boldy, dep habarlaıdy Kazinform-nyń Iordanııadaǵy menshikti tilshisi.
Dúısenbi kúni tańerteń Dammam qalasynyń Ras-Tanýra portyndaǵy Saudi Aramco kompanııasynyń nysandarynda ushqyshsyz ushý apparattarynyń shabýylynan keıin órt shyqty. Kásiporyn ústinen qoıý tútin shyqqany baıqaldy.
Reuters agenttiginiń salalyq derekkózge silteme jasap habarlaýynsha, munaı óńdeý zaýyty saqtyq sharasy retinde ýaqytsha jabyldy. Jaǵdaı baqylaýǵa alyndy.
Saýd Arabııasy Qorǵanys mınıstrligi ókiliniń málimdeýinshe, nysanǵa shabýyl jasamaq bolǵan eki ushqyshsyz apparat joıylǵan. Qırandylardan shyqqan órt sóndirildi. Zardap shekkender joq.
المتحدث الرسمي لوزارة الدفاع : اعتراض وتدمير مسيّرتين حاولتا مهاجمة مصفاة رأس تنورة صباح اليوم. pic.twitter.com/YLyV33GWDX
— وزارة الدفاع (@modgovksa) March 2, 2026
Parsy shyǵanaǵy jaǵalaýynda ornalasqan Ras-Tanýra kesheni Taıaý Shyǵysta qýaty táýligine shamamen 550 myń barreldi quraıtyn, Saýd Arabııasy munaıynyń negizgi eksporttyq termınaly bolyp tabylatyn eń iri munaı óńdeý zaýyttarynyń birin qamtıdy.
Ras Tanura oil refinery in Saudi Arabia was targeted today in a drone attackbcarried out by the Islamic Revolutionary Guards Corps (IRGC).
— Egypt's Intel Observer (@EGYOSINT) March 2, 2026
Saudi Aramco has temporarily suspended operations at the facility following the strike.
Ras Tanura is the largest refinery in KSA and the… pic.twitter.com/enf8CkUW1I
Oqıǵa AQSh pen Izraıldiń Iranǵa qarsy operatsııasy bastalǵannan beri ekijaqty shabýyldardyń saldarynan boldy. Energetıkalyq ınfraqurylym nysandaryna shabýyldar men Ormýz buǵazy arqyly keme tasymalynyń úzilýi týraly habarlamalar aıasynda Brent munaıynyń fıýchersteri shamamen 10%-ǵa ósti.
Reuters agenttiginiń habarlaýynsha, Verisk Maplecroft kompanııasynyń taldaýshysy Torborn Soltvedt Ras-Tanýraǵa jasalǵan shabýyl Parsy shyǵanaǵy memleketterindegi energetıkalyq ınfraqurylymnyń basym nysanaǵa aınalyp kele jatqanyn kórsetetinin, bul Er-Rııad pen basqa da aımaqtyq memleketterdiń áskerı áreketterge qatysýyn arttyrýy múmkin ekenin atap ótti.
Aıta keteıik, osyǵan deıin Irannyń qaýipsizdik basshysy eldiń AQSh-pen kelissózder júrgizbeıtinin málimdedi jáne Donald Trampty Izraıl múddesin bárinen joǵary qoıdy dep aıyptady.